|
Laurdag 10.
mars gjekk den store skulekorpskonkurransen i Hordaland,
Hordablæsten av stabelen. Dette er den største skulekorpsmønstringa
på Vestlandet, med nesten 1700 deltakande musikantar. Os & Kuventræ
Skulekorps hevda seg med 2. plass i 2. divisjon janitsjar.
Ullensvang skulekorps vann to poeng framfor Os & Kuventræ. Dirigent
Gry Padsen fortel at korpset klarte seg veldig bra, her var
litt smårusk men mykje godt spel, og plasseringa vart som ho hadde
venta. Dei framførte 4 vanskelege stykke, men såpass godt at ho
vurderer å nytta eit par av dei på sommarens NM-konkurranse, der
korpset også er påmeld.
 |
SOLISTPRIS
TIL SILJE REBEKKA SØFTELAND
Silje
Rebekka Søfteland
var ein av 5 deltakarar frå Os &
Kuventræ Skulekorps som deltok i solistkonkurransane.
Silje Rebekka deltok i klasse 3, musikantar fødd 1991.
Dette var ein tøff klasse, med mange dyktige ungdommar
på ulike instrument. Silje Rebekka tok andreplassen med
flott kornettspel akkompagnert av Anne Leni
Søfteland
Sæbø,
og Silje Rebekka fekk ein flott pokal overrekt på
Festkonserten.
ASPIRANTSEMINAR PÅ HORDABLÆSTEN
Alle
aspirantane og juniorane til Os & Kuventræ var med på eit flott
seminar på Hordablæsten. Dei hadde alle vore på seminar tidleg på
dagen, og fekk saman med Radøy Brass framført kva dei hadde lært
denne på festkonserten om kvelden. Alle aspirantar og juniorar hadde
det riktig moro, og høgdepunktet var sjølvsagt framføringa til ein
fullsett Greighall. Til saman 230 aspirantar/juniorar sto på scena.
Vèl er Greighallen stor, men det vart likevel trongt om plassen på
scena. Publikum syntes det vart ei tøff framføring.
|
